தனுசு

இன்றைய பலன்:

யாரையும் குறைத்து எடை போட வேண்டாம். இன்று வெளி வேலைகள் எளிதில் நடந்தேறும். மனக் குழப்பம் ஒன்று முடிவுக்கு வரும்.

அதிர்ஷ்ட எண்கள்: 4, 5

நிறம்: ஊதா, வெண்மை

வாரப் பலன்:

அன்­புள்ள தனுசு ராசிக்­கா­ரர்­களே,

இவ்வாரம் இடம்பெயரும் செவ்வாயின் மங்கலத்தன்மை மேம்படும். ராகு, சுக்கிரன், புதன், சூரியன், சந்திரன் நலம்புரிவர். குரு வகையில் சில நன்மைகள் உண்டு. சனி, கேது வலுவிழப்பர்.

நியாய தர்மங்களுக்கு கட்டுப்பட்டு நடப்பவர்கள் என உங்களைக் குறிப்பிடலாம். இவ்வாரம் உங்கள் இயல்புக்கேற்ப தைரியமாகவும் கச்சிதமாகவும் நடைபோட்டீர்கள் எனில் சிலபல இடையூறுகளைக் கடந்து திட்டமிட்டதைச் சாதிக்கலாம். அடுத்து வரும் நாள்களில் அதிகம் பேசாமல் காரியத்திலேயே குறியாக இருக்கப் பாருங்கள். இதன் மூலம் தேவையற்ற சிக்கல்களைத் தவிர்க்க இயலும். தற்போது நீங்கள் கால்பதிக்கும் சில காரியங்களை முடிக்க சற்றே சிரமப்படுவீர்கள். கடும் உழைப்பு மட்டுமே போதாது. சூழ்நிலைக்கேற்ப செயல்திட்டங்களை அமைத்து செயல்படுத்துவது முக்கியம். உங்களது உடல்நலம் ஒரே சீராக இருக்காது. சில சமயங்களில் திடீரென சோர்வு தட்டும். பொதுவாக வருமானநிலை சுமார் எனும்படியாக இருக்கும். வரவுகள் தடைபடலாம். வீண் விரயங்களைத் தவிர்க்க முடியாது. மங்கல காரியங்கள் தொடர்பிலான முயற்சிகளில் சிறு இழுபறி நிலவும். தொழில் ரீதியில் சவால்கள் அதிகமாக இருக்கும். பணியாளர்கள் சக ஊழியர்களை அனுசரித்து நடப்பது நல்லது. வார இறுதி யில் மேற்கொள்ளும் பயணங்களால் செலவுகள் அதிகரிக்கும். எனினும் பயனுள்ளதாக அமையும். சனி, குருவுக்குரிய சிறப்பு வழிபாடுகளைச் செய்வது நல்லது.

குடும்பத்தில் சிறு பிரச்சினைகள் தோன்றி மறையும். உடன்பிறந்தோர் ஆதரவுண்டு.

அனுகூலமான நாள்கள்: பிப்ரவரி 17, 19

அதிர்ஷ்ட எண்கள்: 4, 9