கும்பம்

இன்றைய பலன்:

விடாப்பிடியாக இருந்து திட்டமிட்டவற்றைச் சாதிப்பீர்கள். எனவே பாராட்டுகளுக்கும் ஆதாயங்களுக்கும் குறைவிருக்காது. சிறு தடைகளைச் சமாளித்துவிடலாம்.

அதிர்ஷ்ட எண்கள்: 3, 9

நிறம்: பச்சை, மஞ்சள்

வாரப் பலன்:

அன்­புள்ள கும்ப ராசிக்­கா­ரர்­களே,

இவ்வாரம் சந்திரன் உங்கள் ராசிக்கு அருள்பார்வை வீசுவார். புதன், சூரியன், சுக்கிரன், செவ்வாய் நற்பலன்களைத் தருவர். குரு, சனி, ராகு, கேதுவின் மங்கலத்தன்மை கெடும்.

பலருக்கும் உதவ வேண்டும் என நினைக்கும் இளகிய மனம் படைத்தவர்கள் என உங்களைக் குறிப்பிடலாம். இவ்வாரம் உங்களது வாழ்க்கைப் பயணத்தில் மேடு, பள்ளம் இரண்டும் இருக்கும். நல்ல மனிதர்களை இனம்கண்டு அவர்களுடன் கைகோர்த்து செயல்படுங்கள். தேடி வந்து உதவுபவர்களை உதாசீனப்படுத்தக் கூடாது. அதே போல் யாரையும் கண்மூடித்தனமாக நம்பிவிடாதீர்கள். இவ்வாரம் உங்களுக்குரிய வருமானம் ஏற்ற இறக்கமாக இருக்கும். வீடு, வாகனம் குறித்த செலவுகளை சரியாகத் திட்டமிட்டு மேற்கொள்ளுங்கள். மேலும் பண விவகாரங்களில் அலட்சியப் போக்கு என்பது கூடாது. தற்போது ஒரு காரியத்தில் இறங்கும்முன் அதனால் ஏற்படக்கூடிய சாதக பாதகங்களை சரியாக ஆராய்ந்து பாருங்கள். மங்கள காரியம், சொத்துகள் குறித்து நிதானம் தேவை. பணியாளர்களும் வியாபாரிகளும் வழக்கமான எச்சரிக்கையுணர்வுடன் செயல்படுவது நல்லது. வார இறுதியில் ஒருசிலரது உடல்நலம் லேசாகப் பாதிக்கலாம். இச்சமயம் வீண் அலைச்சலைத் தவிர்ப்பது நல்லது.

குடும்பத்தில் நிம்மதியான சூழ்நிலை இருக்கும்.

அனுகூலமான நாள்கள்: டிசம்பர் 9, 11

அதிர்ஷ்ட எண்கள்: 1, 5