மேஷம்

இன்றைய பலன்:

கூடுமானவரை எந்தப் பணியையும் ஒத்திப்போட வேண்டாம். இன்று தொடங்கிய வேகத்தில் பணிகள் மளமளவென நடந்தேறும்.

அதிர்ஷ்ட எண்கள்: 5, 9

நிறம்: அரக்கு, பச்சை

வாரப் பலன்:

அன்­புள்ள மேஷ ராசிக்­கா­ரர்­களே,

இவ்வாரம் இடம்பெயரும் செவ்வாயின் மங்கலத்தன்மை சிறக்கும். புதன், சூரியன், சந்திரன், சுக்கிரன் நற்பலன்களைத் தருவர். சனி, கேது, ராகு வலுவிழப்பர். குருவால் நன்மை, தொல்லை இருக்காது.

எங்கும் எதிலும் நிதானப்போக்கைக் கடைபிடிப்பவர்கள் என உங்களைக் குறிப்பிடலாம். இவ்வாரம் உங்களுக்குரிய வரவுகள் ஓரளவு மனநிறைவு தருவதாக இருக்கும். செலவுகளைக் கட்டுப்படுத்துவது உங்கள் சாமர்த்தியம். ஈடுபடும் காரியங்கள் தொடக்கத்தில் ஆமை வேகத்தில் நகர்ந்தாலும், வார இறுதிக்குள் அனைத்தும் சாதகமாகும். உடல்நலம் பொதுவாக நன்றாக இருக்கும். இனிப்பு நீர், ரத்த அழுத்தம் பிரச்சினை உள்ளவர்கள் சற்றே கவனமாக இருப்பது நல்லது. நண்பர்களில் ஒருசிலர் காரியவாதிகளாக நடப்பதைக் கண்டு வருந்த வேண்டாம். மாறாக நீங்களும் ஒதுங்கி நிற்பதே நல்லது. குறிப்பாக மூன்றாம் மனிதர்களிடம் உங்களது தனிப்பட்ட விஷயங்களைப் பகிர்ந்துகொள்ளாமல் இருப்பது நல்லது. பணியாளர்களும் வியாபாரிகளும் சூழ்நிலைக்கேற்ப செயல்படுவது நல்லது. வார இறுதியில் ஒருசிலருக்கு திடீர், தவிர்க்க முடியாத செலவுகள் முளைக்கலாம்.

அதேபோல் குடும்பத்தார் உடல்நலனிலும் கூடுதல் கவனம் தேவை.

குடும்பத்தில் அமைதி நிலவும். பெற்றோர் கூறும் அறிவுரைகளைப் பின்பற்றுவது நல்லது.

அனுகூலமான நாள்கள்: பிப்ரவரி 19, 21

அதிர்ஷ்ட எண்கள்: 5, 9