மகரம்

இன்றைய பலன்:

தேவை இல்லாமல் யாருடனும் மோதத் தேவையில்லை. இன்று தடைகளை மீறி முக்கியப் பணிகளை முடிப்பீர்கள். ஆதாயங்கள் அதிகரிக்கும்.

அதிர்ஷ்ட எண்கள்: 1, 3

நிறம்: இளஞ்சிவப்பு, நீலம்

வாரப் பலன்:

அன்­புள்ள மகர ராசிக்­கா­ரர்­களே,

இவ்வாரம் குரு, சனிபகவான் அருள்பார்வை வீசுவர். சந்திரன், சுக்கிரன், செவ்வாய் மேன்மையான பலன்களைத் தருவர். ராகு, கேது, புதன், சூரியனின் ஆதரவு இல்லை.

வாழ்க்கையை ரசித்து அனுபவிப்பவர்கள் என உங்களைக் குறிப்பிடலாம். முக்கியக் கோள்கள் சாதகமாக அணிவகுத்து நிற்பதால் அடுத்து வரும் நாள்கள் ஆடல், பாடல், கொண்டாட்டம் என உற்சாகமாய் அமையும். இவ்வாரம் வழக்கமான பணிகளைச் செய்து நிறைவான ஆதாயங்களைப் பெற்றிடுவீர்கள். தடைகள் அதிகம் இருக்காது. நல்ல வாய்ப்புகள் தேடி வரக்கூடும். புதிய அறிமுகங்கள் கிட்டும். உங்களுடைய தனிப்பட்ட செல்வாக்கும் சொல்வாக்கும் ஏற்றம் காணும். தனித்திறமைகள், தீட்டும் திட்டங்கள் பாராட்டுகளைப் பெற்றுத்தரும். பொருளியல் நிலை சிறப்பாக இருக்கும். பழைய கடன்கள் தீரும். பொருள், வாகனச் சேர்க்கை உண்டாகும். வழக்குகள், புது முயற்சிகள், மங்கலப் பேச்சுகள் சாதகப்போக்கில் நகரும். வீட்டுப் பெண்கள் ஏற்றம் காண்பர். பணியாளர்கள் வியாபாரிகளுக்குப் புது நுணுக்கங்கள் புரிபடும். வார இறுதியில் திடீர்த் தடைகள் ஏற்படக்கூடும்.

குடும்பத்தில் உற்சாகமான சூழ்நிலை இருக்கும்.

அனுகூலமான நாள்கள்: ஆகஸ்ட் 9, 11

அதிர்ஷ்ட எண்கள்: 1, 4