நெகிரி செம்பிலானில் தேசிய முன்னணியும் பெரிக்கத்தான் நே‌ஷனலும் ஆட்சி அமைக்கும்: அம்னோ

செரம்பான்: நெகிரி செம்பிலான் மாநிலத்தில் ஆட்சி அமைக்க முடியும் என்று தேசிய முன்னணிக்கு நம்பிக்கை இருப்பதாக அம்னோ கட்சியின் தலைமைச் செயலாளர் அ‌‌ஷ்ரஃப் வஜ்தி துசுகி கூறியிருக்கிறார்.

அம்மாநிலச் சட்டமன்றத் தேர்தலில் பெரிக்கத்தான் நே‌ஷனல் கூட்டணியுடன் கைகோத்துள்ளது தேசிய முன்னணி.

நெகிரி செம்பிலானில் மொத்தம் 36 தொகுதிகள். சிங்கப்பூர் நேரப்படி இரவு 9 மணிக்குக் கிடைத்த அதிகாரபூர்வமற்ற முடிவுகளின்படி, அவை இரண்டும் கூட்டாக 25 இடங்களில் முன்னணி வகிக்கின்றன.

“மூன்றில் இரண்டு பங்கு பெரும்பான்மையுடன் இரண்டு கூட்டணிகளும் அரசாங்கத்தை அமைக்க இது வழிவிடும்,” என்றார் அவர்.

அதிகாரபூர்வமற்ற முடிவுகளின்படி, தேசிய முன்னணி 18 இடங்களையும் பெரிக்கத்தான் நே‌ஷனல் 7 இடங்களையும் கைப்பற்றியிருப்பதாகக் கூறப்படுகிறது.

பிரதமர் அன்வார் இப்ராகிமின் பக்கத்தான் ஹரப்பான் கூட்டணிக்கு 11 இடங்கள் கிடைத்திருப்பதாக முன்னோடித் தகவல்கள் தெரிவிக்கின்றன.

நெகிரி செம்பிலான் தேர்தலுக்கான வாக்களிப்பு சனிக்கிழமை (ஆகஸ்ட் 1) காலை 8 மணிக்குத் தொடங்கி மாலை 6 மணிக்கு நிறைவுற்றது.

மாநிலத்தின் 16வது சட்டமன்றத் தேர்தலில் மாலை 4 மணி நிலவரப்படி, 65.38 விழுக்காட்டினர் வாக்களித்திருந்தனர். மலேசியத் தேர்தல் ஆணையம் அந்தத் தகவலை ஃபேஸ்புக்கில் பதிவிட்டது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

பிரித்தம் சிங்கின் வழக்கறிஞர் உரிமம் பறிப்பு

13 Aug 2026 - 10:37 AM

இளையர்கள் குண்டர் கும்பல்களில் சேருவதைத் தடுக்க கல்வியாளர்க்கு காவல்துறை பயிற்சி

12 Aug 2026 - 9:42 PM

இணையக் குற்றங்களை ஒழிக்க 3,700 செயலிகள், 16 லட்சம் ‘சிம்’ அட்டைகள் முடக்கம்

12 Aug 2026 - 4:08 PM

முதல்வர் விஜய்யின் தீர்மானம் திமுக ஆதரவுடன் நிறைவேறியது

12 Aug 2026 - 9:07 PM

மாநிலம் முழுதும் உள்ள 401 வாக்குச்சாவடிகளும் காலை 8 மணிக்குத் திறக்கப்பட்டன. கிட்டத்தட்ட 860,000 பேர் வாக்களிக்கத் தகுதிபெற்றிருந்தனர்.

அதிகரித்துவரும் வாழ்க்கைச் செலவு, வீடமைப்பு முதலிய விவகாரங்கள் பிரசாரங்களின்போது முக்கியமாகப் பேசப்பட்டன.

இந்தத் தேர்தல் பெரும்பாலும் மலேசியப் பிரதமர் அன்வார் இப்ராகிமின் பக்கத்தான் ஹரப்பான் கூட்டணிக்கும் தேசிய முன்னணி-பெரிக்கத்தான் நே‌ஷனல் கூட்டணிக்கும் இடையிலான போட்டியாகப் பார்க்கப்பட்டது.

பக்கத்தான் ஹரப்பான் அனைத்துத் தொகுதிகளிலும் போட்டியிட்டது. தேசிய முன்னணி 25 இடங்களிலும் எஞ்சிய 11 தொகுதிகளில் பெரிக்கத்தான் நே‌ஷனலும் களம் கண்டன.

சென்ற மாதம் 11ஆம் தேதி ஜோகூரில் நடைபெற்ற தேர்தலில் தேசிய முன்னணி அபார வெற்றி பெற்றது. அதற்குப் பிறகு, இந்த இரு கூட்டணிகளும் மலாய் ஒற்றுமை ஒப்பந்தத்தை மேலும் வலுப்படுத்திக் கொண்டுள்ளன.

இந்நிலையில், பாஸ் கட்சித் தலைவர் ஹாடி அவாங், கட்சி உறுப்பினர்களை தேசிய முன்னணி வேட்பாளர்களுக்கு ஆதரவளிக்குமாறும் வாக்களிக்குமாறும் கேட்டுக்கொண்டிருந்தார். பெரிக்கத்தான் நே‌ஷனல் கூட்டணியில் இடம்பெற்றுள்ள ஆகப் பெரிய கட்சி, பாஸ்.

இருப்பினும் மத்தியில் பக்கத்தான் ஹரப்பானும் தேசிய முன்னணியும் ஒற்றுமை அரசாங்கத்தில் கூட்டாக இருக்கின்றன. 2022 பொதுத் தேர்தலுக்குப் பிறகு செய்துகொள்ளப்பட்ட ஒப்பந்தம் அது.