சுலாவேசியில் நிலநடுக்கம்; 12க்கும் மேற்பட்டோர் காயம்

ஜகார்த்தா: இந்தோனீசியாவின் மத்திய சுலாவேசியில் ஞாயிற்றுக்கிழமை (ஆகஸ்ட் 17) அதிகாலை 6.0 ரிக்டர் அளவில் சக்திவாய்ந்த நிலநடுக்கம் ஏற்பட்டதில் 12க்கும் மேற்பட்டோர் காயமடைந்தனர் என்று அந்நாட்டின் பேரிடர் தடுப்பு நிலையம் தெரிவித்தது.

சுமார் 10 கி.மீ ஆழத்தில் ஏற்பட்ட இந்த நிலநடுக்கம், போசோ ரீஜென்சியை உலுக்கி, அருகிலுள்ள பகுதிகளிலும் அதிர்வு உணரப்பட்டது. மொத்தம் இருபத்தி ஒன்பது பேர் காயமடைந்தனர். அவர்களில் இருவரின் நிலை கவலைக்கிடமாக உள்ளது என்று அந்த நிலையம் ஓர் அறிக்கை வாயிலாகத் தெரிவித்தது.

உடனடியாக இறப்புகள் எதுவும் இல்லை என்று அது மேலும் கூறியது.

இந்தோனீசியா ‘பசிபிக் நெருப்பு வளையம்’ என்று அழைக்கப்படும் பகுதியில் அமைந்துள்ளது. இது மிகவும் நில அதிர்வு மிகுந்த மண்டலமாகும். அங்கு பூமியின் மேலோட்டத்தில் உள்ள வெவ்வேறு தட்டுகள் மோதி அதிக எண்ணிக்கையிலான நிலநடுக்கத்தை உருவாக்குகின்றன.