மக்கள் சேவை செய்ய அதிமுகவில் இணைந்தேன்: கௌதமி

சென்னை: பாஜகவில் இருந்து விலகிய நடிகை கௌதமி, அதிமுக பொதுச்செயலாளர் எடப்பாடி பழனிசாமியை புதன்கிழமை சந்தித்து அதிமுகவில் சேர்ந்தார்.

நாடாளுமன்றத் தேர்தலில் அதிமுக சார்பில் போட்டியிட வாய்ப்பு அளிப்பதாக கட்சி மேலிடம் உறுதி அளித்ததாலேயே, அவர் அதிமுகவில் இணைந்துள்ளார் என்று கூறப்படுகிறது.

செய்தியாளர்களை சந்தித்த நடிகை கௌதமி, “மக்கள் சேவை செய்ய அதிமுகவில் இணைந்துள்ளேன். மக்கள் சேவை செய்ய சரியான கட்சி அதிமுக. பாஜகவில் இருந்து விலகியதற்கான காரணங்களை உரிய நேரம் வரும்போது விளக்கமாகக் கூறுவேன்,” என்றார்.