மாணவர் முரசு
இ-பேப்பர்
லண்டன்: இங்கிலிஷ் பிரிமியர் லீக் காற்பந்தாட்டத்தில் பிரென்ட்ஃபர்டை 4-2 எனும் கோல் கணக்கில் வென்றது வெஸ்ட் ஹேம் யுனைடெட்.
லீக்கில் கடந்த ஆறு ஆட்டங்களில் வெல்லாதிருந்த வெஸ்ட் ஹேம் ஒருவழியாக மீண்டு வந்தது. அதற்கு உறுதுணையாக இருந்தார் அக்குழுவின் நட்சத்திரம் ஜேரட் போவன்.
வெஸ்ட் ஹேமின் நான்கு கோல்களில் மூன்றைப் போட்டார் போவன். நான்காவது கோலைப் போட்டவர் எமர்சன்.
நீல் மோபே, யோவேன் விசா ஆகியோர் பிரென்ட்ஃபர்டுக்கு கோல் போட்டனர்.
இந்த வெற்றியைத் தொடர்ந்து வெஸ்ட் ஹேம் லீக் பட்டியலில் எட்டாவது இடத்துக்கு முன்னேறியது. வெஸ்ட் ஹேமும் பட்டியலில் ஏழாவது இடத்தில் இருக்கும் பிரைட்டனும் தலா 39 புள்ளிகளைப் பெற்றுள்ளன. ஆறாவது இடத்தில் யுனைடெட், அவ்விரு குழுக்களையும்விட ஐந்து புள்ளிகள் அதிகம் பெற்றுள்ளது.
