மாணவர் முரசு
இ-பேப்பர்
சிங்கப்பூரின் முதல் ஒலிம்பிக் தங்கப்பதக்கத்தை ஜோசஃப் ஸ்கூலிங், 50.39 வினாடியில் பெற்றுத் தந்தார். ஸ்கூலிங் சாதனை நிகழ்த்திய ஒரு மணி நேரத்திற்குள் 5039 எனும் 4 இலக்க எண்கள் (4டி) கொண்ட பந்தயச் சீட்டுகள் அனைத்தும் விற்று முடிந்தன. "இந்த எண்கள் உடைய சீட்டுகள் விற்று முடிந்ததில் ஆச்சரியம் ஒன்றுமில்லை. இந்த மாதிரி வாய்ப்புகளை சிங்கப்பூரர்கள் பயன்படுத்திக்கொள்வது ஒன்றும் புதிதல்ல. நமது நாட்டின் சாதனையைக் கொண்டாடும் நிகழ்வாக எடுத்துக்கொள்ள வேண்டியதுதான்," என்றார் பந்தயப் பிடிப்பாளர் வின்ஸ்டன் டான்.
ஒலிம்பிக் நீச்சல் வரலாற்றில் முதன்முறையாக அமெரிக்காவின் ஃபெல்ப்ஸ், தென் ஆப்பிரிக்காவின் சாட் லே குலோஸ், ஹங்கேரியின் லாஸ்லோ சே ஆகிய மூவரும் இரண்டாவது இடத்தைப் பிடித்தனர். அவர்களின் சாதனை நேரமான 51.14ஐ வைத்து வேறு சிலர் 5114 எனும் 4 இலக்க எண்கள் கொண்ட சீட்டுகளை எடுக்கவும் போட்டி போட்டனர். "ஒலிம்பிக் வரலாற்றில் முதல் முறையாக மூவர் ஒரே நேரத்தில் போட்டியை முடித்து வெள்ளிப் பதக்கம் வென்று உள்ளனர். இதுவும் ஓர் அரிய சாதனைதான். அதனால்தான் நான் 5114 என்ற எண் கொண்ட சீட்டை வாங்கினேன்," என்றார் 38 வயது ஸ்டீவன் லோ.
ஸ்கூலிங்கின் மகத்தான சாதனையை புதுமையான முறையில் வரவேற்றது சாங்கி விமான நிலையம்