இந்தியர்களுக்கு ஒரு மில்லியன் விசா வழங்கும் அமெரிக்கா

புது­டெல்லி: அமெரிக்கா இவ்வாண்டு ஒரு மில்லியன் இந்தியர்களுக்கு விசாக்களை வழங்க உள்ளது. இந்த இலக்கை அடைய தூதரகம் கூடுதல் பணியாளர்களைச் சேர்த்து வருவதாகக் கூறப்படுகிறது.

இந்­தி­யா­வில் உள்ள அமெ­ரிக்கத் தூத­ரக அலு­வ­ல­கங்­கள் இனி சனிக்­கி­ழ­மை­க­ளி­லும் திறந்­தி­ருக்­கும் என்­றும் விசா நடை­முறை துரிதப்­படுத்தப்­படும் என்­றும் அண்மையில் மும்­பை­யில் உள்ள அமெ­ரிக்க தூத­ர­கத் தலை­வர் ஜான் பல்­லார்ட் தெரிவித்திருந்தார்.

இந்நிலையில், அமெரிக்கத் தூதரகத்தின் செய்தித்தொடர்பாளர் டெல்லியில் இந்தியன் எக்ஸ்பிரஸ் ஊடகத்திடம் பேசியபோது, "இந்தியாவில் உள்ள எங்கள் தூதரகத்திலும் துணைத் தூதரகங்களிலும் ஏற்கெனவே இரண்டு லட்சத்திற்கும் அதிகமான விண்ணப்பங்களை அமெரிக்கத் தூதரகம் பரிசீலித்து உள்ளது. ஒரு மில்லியன் விசா விண்ணப்பங்களைச் செயல்படுத்துவதே எங்கள் இலக்கு," என்று தெரிவித்துள்ளார்.