ஐந்து மொழிகளில் பேசிய ஷ்ருதி

‘சலார்’ படத்தின் மூலம் புதிய சாதனை படைக்க உள்ளார் ஷ்ருதி ஹாசன். இந்தப் படம் ஐந்து மொழிகளில் வெளியீடு காண உள்ளது.

ஐந்து மொழிகளிலும் தனது கதாபாத்திரத்துக்கு சொந்தக் குரலில் வசனங்களைப் பேசி வருகிறார் ஷ்ருதி. ஏற்கெனவே மூன்று மொழிகளில் ‘டப்பிங்’ பேசி முடித்துவிட்டாராம்.

மீதமுள்ள இரண்டு மொழிகளுக்கான பின்னணிக் குரல் பதிவு விரைவில் நடக்க உள்ளது.

“இயக்குநர் பிரசாந்த் நீல் அளித்த ஊக்கம்தான் என்னை வழி நடத்தியது. அவருக்குதான் நன்றி சொல்ல வேண்டும்,” என்கிறார் ஷ்ருதி.

“ஐந்து மொழிகளில் சொந்தக் குரலில் பேசி நடிப்பது மிகவும் பாராட்டுக்குரியது. இதன் மூலம் ஐந்து மொழி ரசிகர்களையும் கவர முடியும். இது ஷ்ருதியின் வளர்ச்சிக்கு உதவும்,” என்கிறார்கள் திரையுலக விவரப் புள்ளிகள்.