மாணவர் முரசு
இ-பேப்பர்
கன்னடத் திரை உலகின் சூப்பர் ஸ்டார் புனித் ராஜ்குமார் மாரடைப்பு ஏற்பட்ட நிலையில் பெங்களூருவில் உள்ள விக்ரம் மருத்துவமனையில் நேற்று காலை 11.30 மணியளவில் அனுமதிக்கப்பட்டார். அவர் சிகிச்சைப் பலனின்றி காலமானார். அவருக்கு வயது 46.
புனித் ராஜ்குமாரின் அண்ணனான சிவராஜ்குமார் நடித்துள்ள
'பஜ்ராங்கி 2' என்ற படம் நேற்றுதான் திரையரங்குகளில் வெளியானது.
அண்ணன் படத்திற்காக 7 மணி நேரத்திற்கு முன்பு காலையில் டுவிட்டரில் வாழ்த்து தெரிவித்தவர் மதியம் இல்லை என்பது சினிமா ரசிகர்
களுக்கு பெரும் அதிர்ச்சியாக உள்ளது. இரு தினங்களுக்கு முன்பு அப்படத்திற்காக நடைபெற்ற விழா ஒன்றில் புனித் கலந்து கொண்டு சிறப்பித்தார்.
கடைசியாக 'யுவரத்னா' என்ற படத்தில் சாயிஷாவுடன் நடித்திருந்தார். 'புட்டபொம்மா' பாடலைப் போலவே இருக்கும் அந்தப் படத்தின் ஒரு பாடல் ரசிகர்களால் விரும்பி பார்க்கப்பட்டு வருகிறது.
சண்டை, நடனம் இரண்டிலும் புனித் சிறப்பாக செய்யக்கூடியவர். 'ஜேம்ஸ்', 'த்வித்வா' என இரண்டு படங்கள் புனித் ராஜ்குமார் நடிப்பில் வெளியாகக் காத்திருக் கின்றன.
'நாடோடிகள்', 'போராளி', 'இவன் வேற மாதிரி', 'பூஜை' ஆகிய தமிழ் படங்களின் கன்னட மறுபதிப்பில் புனித் நடித்திருக்கிறார். 'போராளி' படத்தின் கன்னட மறுபதிப்பை சமுத்திரக்கனியே இயக்கியது குறிப்பிடத் தக்கது. தொடர்ந்து, தமிழ்த் திரையுலகை கவனித்தும் தமிழ் இயக்குநர்களுடன் நல்ல நட்பு பாராட்டியும் வந்திருக்கிறார் புனித். இவரது அப்பா பெயரில் இவர் நடித்த 'ராஜ்குமாரா' என்ற படம் மிகப் பெரிய அளவில் வெற்றி பெற்றது.
2016ஆம் ஆண்டில் சிங்கப்பூரின் சன்டெக் சிட்டியில் நடந்த 'சைமா' விருது வழங்கும் நிகழ்ச்சியில் கலந்துகொண்டு கன்னட திரையின் சிறந்த நடிகருக்கான விருதைப் பெற்றார் புனித் ராஜ்குமார்.
அவரது மறைவு கன்னடத் திரை
யுகினரை மட்டுமல்லாமல் இந்தியத் திரைஉலகையே அதிர்ச்சியடைய வைத்துள்ளது.